Nadolig Llawen

Nadolig Llawen pawb!

Melys x

Yr iaith ar daith...

Dwi wedi bod yn chwylio am cwrs nos mewn Gwyddelig yn ardal Dundrum, pan cofiais fod fy hen coleg yn rhedeg cyrsiau am ddim yn yr adeilad ar stryd Aungier. Wnes i gyrru e-bost i cyferiad oedd ar wefan yn holi am y cyrsiau. Roedd yr ateb yn bach o syndod:
"Annwyl ____," oedd dechrau y neges ag yna aeth ymlaen i rhoi manylion y cyrsiau ag wedyn gorffenodd efo "Dymuniadau gorau." Felly, holias fwy am y Cymraeg yn y neges.
"Mae gen i dipyn o Gymraeg," atebodd yr ddynes. "Es i i'r coleg yn Aberystwyth dros 10 mlynedd yn ol ond ers hynny, rwy'n colli y rhan fwyaf o'r iaith."
Hwre! Rhywun arall galla'i siarad Cymraeg efo yn Ddulyn!

Chwarae'n troi'n chwerw

Mae rhan fwya o pobol yn cwyno heddiw...o pobol ar y stryd i cyflwynwyr radio, ag nid am y tywydd y tro yma. Does dim dianc o'r cwyno yn gwaith hyd yn oed. Bob hyn a hyn mae rhywun yn dod a'r peth i fynny - "Y twyllwr!"

Y pwnc mae pawb yn trafod yw gêm peldroed rhwng Iwerddon a Ffrainc ag yn fwy penodol Thierry Henry a'i 'handball'.

Welsoch chi'r gêm?

"Henry: 'It was a handball... but I’m not the ref'"

Allforion Iwerddon

Mae'n anodd darganfod rhywun sydd heb clywed am JEdward, ag yma yn Iwerddon mae'r ddau o Lucan, ger Ddulyn, ar flaen rhan fwya' o'r papurau newydd. Mae tudalen flaen y Metro yn dweud 'They're Still In It' gyda llun mawr o'r efeilliaid yn perfformio ar y rhaglen.

Mae'r X Factor yn pwnc fawr yn ein cwmni - yn enwedig ymysg y merched sy'n gweithio ar y cylchgrawn 'U' sydd yn anelu at pobol ifanc rhwng 18 -25. Ar y cyfan mae pawb yn meddwl bod nhw'n jôc , ond mae rhai yn dechrau dweud bod na siaws ellith John ag Edward enill y cystadleuaeth!

Roeddwn i ar y rhaglen radio Taro'r Post yr wythnos diwethaf yn siarad am Jedward - fy marn personol amdanyn nhw yw fod y ddau yn dod a bach o'r hwyl i'r rhaglen. Mae rhan fwyaf o'r cystadleuwyr gyda'r run maint o gymeriad â malwen ag heb JEdward fydd pawb wedi blino ar y rhaglen erbyn hyn. (Er dwi di dechrau gwylio Strictly mwy na'r X Factor.)
Er bod yr sioe yn cael ei ddangos ar yr sianel Gwyddelig TV3 nid yw gwylwyr yma yn gallu pleidleisio - felly pobol yn Prydain sydd yn cadw'r Gwyddelod mwya wirion ers Zig and Zag ar y sioe (ag wnaeth Simon Cowell rhyddhau sengl ganddyn nhw).

Wnaeth Simon bygwth gadael Prydain os yw'r ddau yn enill - felly dwi'n cefnogi'r ddwy. Mae telori Leona Lewis ag Shane Ward yn ddigon i'r byd heb i'r sioe cynhyrchu mwy.

Siarad dwli ngwyliau

Dwi wedi bod ar fy ngwyliau yn yr Unol Dalaethau ag heb ‘di cael amser i rhoi ‘ffeithiau cwbwl anniddorol ar y we.’

I weld be dwi’n siarad am ewch i'r erthygl yma yn Gwefan Golwg 360

EFROG NEWYDD 10/2009

Hiraeth 2

Dwi'n eistedd wrth fy nesg yn yfed champagne ag yn edrych allan o'r ffenest yn meddwl am Gymru. Pam, ella bo chi'n ofyn, sa rhywun sydd yn byw yn un o'r dinasoedd mwya creadigol o prydferth yn yfed diod posh yn meddwl am Gogledd Cymru - wel, mae hiraeth yn uffar o beth. Dwi heb di bod adra ers dros mis, ag er fy mod i'n gwneud y daith o Dún Laoghaire i Caergybi mewn pythefnos mae atgofion o ha' yn yr mynyddoedd yn rhythro drwy fy mhen. Dwi hyd yn oed wedi newid y llun sy'n cefndir fy ngyfrifiadur o melysion i'r golygfa o fy hen dŷ yn Meirionnydd.

Yn pob ardal yn 'Werddon dwi wedi ymweld mae un peth yn atgoffa fi o Gymru. Dim copa'r mynyddoedd, sydd yn lot llai na'r Wyddfa, dim lliw y caeau sydd yr un mor wyrdd a Gymru. Y peth sydd yn atgoffa fi o adra yw arwydd bach fyddai'n gweld ar fyrdd Iwerddon - o Westport i dre Kilkenny ag o Kerry i Dundrum dwi wedi gweld yr un peth sydd yn troi fy meddwl yn syth i Gymru:

Tair blynedd o Melysion.

Mae bywyd wedi bod yn eitha' brysur, ag felly mae penblwydd Melysion wedi mynd heibio heb ddim dathliad o gwbwl. Roeddwn i'n gweithio yn yr RDS yr diwrnod wneth fy mlog fach i droi yn 3, ag heb amser i feddwl am flogio.
Dwi'n cofio sefyldlu'r flog mewn swyddfa fach yn Gaernarfon wedi i mi ddarllen am flogiau Cymraeg ar Maes-e. Ar yr amser roeddwn i'n ysgrifennu i'r BBC ag i'r Selar felly roedd flog yn lle addas i cyhoeddi fy ngwaith.
Ers hynny mae llawer wedi newid ag mae gan yr wefan olwg newydd, ag er fy mod i ddim yn cael amser i neud yn rheolaidd, dwi dal i fwynhau sgwennu flogiau yn y Gymraeg - yn wir, mae fy mlogiau saesneg wedi cael ei anghofio erbyn hyn ag Melysion yw'r unig un sydd dal i fod.
Felly penblwydd hapus hwyr Melysion.

Apêl Sesiwn Fawr Dolgellau

Ocsiwn Addewidion gyda Dilwyn Morgan yn gyflwyno.
Dydd Mercher, Medi 16, 2009
7:30yh
Clwb Golff Dolgellau
£2 am rhaglen/ tocyn
01678540699
E-bost: jonesesyllt@tiscali.co.uk

Rhestr Addewidion:

Penwythnos i ddau yn Brynffynnon rhodd Debbie a Steve Holt
Pryd Tri Chwrs ym Mhen MaenUchaf
Llun Print gan yr artist Gareth Jones
Cinio a thaith o amgyllch y Tŷ Cyffredin gyda
Diwrnod o waith TG oddiwrth
Dau docyn i weld Manchester United
Pecyn o lyfrau o waith Bethan Gwanas
Hanner diwrnod o waith yn yr ardd oddiwrth
Hanner Oen
Ewyllys wedi ei wneud gan
Llun portread gyda phensil wedi ei wneud gan
Crys T wedi ei arwyddo gan yr actor Mathew Rhys
Dau Docyn i flasu gwin yn Dylanwad Da
Noson o warchod - Plant yn dderfrydol !
Geiriau Caneuon Dafydd Iwan yn ei lawysgri
A llawer llawer mwy!!!
Dewch yn llu i gefnogi y noson os na fedrwch ddod be am roi bid a r lein.

Chwylio am hwyl yn yr Eisteddfod

Dwi'n nol wrth fy nesg wedi benwythnos yn y Gogledd.

Wedi mi cyraedd ar y Nos Wener a cael pryd o fwyd efo mam a dad, wnes i gyrru i'r Eisteddfod o Benrhyndeudraeth gyda un o fy ffrindiau gorau.

Roedd y ddau ohonym wedi cyffroi wedi wythnos o trefnu ag siarad am y noson.

Camgymeriad 1. Mynd yna yn hwyr ag ddim mynd am beint i dre cyn mynd i Maes B ag sylwi na dyna lle oedd pawb.
Camgymeriad 2. Mynd i Maes B.

Roedd rhaid i mi ddweud roedd y Maes B yn siom fawr i gymharu ag rhai dwi wedi bod i o'r blaen. Fy profiad Maes B cyntaf oedd Eisteddfod Bala yn 1997, ag fel mae llawer dal yn mynnu 'hwnna oedd Eisteddfod gorae erioed!'

Wrth cyraedd Maes B roedd cerddoriaeth yn llenwi'r awyr, ond sylwais yn syth bod yr un caneuon oedd yn cael ei chwarae gan yr un bandiau nol yn Steddfod Abertawe yn 2006 yn dod o Maes B. Mewn tair blynedd mae rhaid bod na well cerddoriaeth wedi cael ei greu tybed?!

Unwaith dalais y 12 punt i mynd i fewn cerddais i fewn i'r babell ag roedd y lle bron yn wag, ag yr rhai roedd yna oedd pobol ifanc dan oed (wnaeth un hogyn 16 trio teimlo fy mron ar un adeg). Doedd na ddim awyrgych hwylus fel dwi'n cofio yn Eisteddfodau o'r gorfennol ag doedd rhan fwyaf o'r staff ddim yn siarad Cymraeg - staff ar y drws nag y rhai ar y bar.

Ella na fel hyn mae Maes B wedi bod erioed ag dwi yn mynd yn hen - ond dwi'n tybio baswn i wedi bod yn fwy hapus yn y maes mytholegol Maes Huw ag yn yfed yn un o'r tafarndau yn y dre.
Diolch byth am y pannad bendigedig y Gorlan oedd yn pleser pur y fore wedyn gyda rhôl bacwn.

Priodol iawn na fy mhrofiad cynta oedd yn Eisteddfod Bala ag nawr yr un terfynol hefyd.

Economi Iwerddon

Diwedd y gân

Roeddwn i'n drist am marwolaeth Michael Jackon gan fy mod i wedi gwrando i'w gerddoriaeth yn tyfu fynny yn ein tŷ yn Minffordd. Roeddwn i yn Cei Eden yn aros am fws efo gwraig fy cefnder pan ffoniodd o'i waith mewn papur newydd i ddweud for Michael Jackson wedi marw. Roedd pobol ar y stryd yn siarad am y newyddion ag oedd glanhäwr stryd yn dweud y newyddion i bobol wrth ysgubo'r palment.
Ia oedd ei fywyd ers y 90au yn drist ag yn llawn helynt, ond roedd o dal yn un o cantorion gorau'r 20fed Ganrif.
Darllenias erthygl heddiw ar wefan The Times gan oedd yn crynodeb da o'i drafferthion ar diwedd ei fywyd: timesonline.co.uk

Y dreigiau werdd

Yn yr obaith o fod yn ffit i gwyliau dwi wedi trefnu yn mis Hydref dwi wedi ymmuno gyda tim 'tag rugby' Cymru Dulyn - sef y Draig Werdd.
Mae'r tim yn cynnwys pobol Cymraeg o'r De ag y fi, yr unig un o'r Gogledd. Mae yna Gwyddelod hefyd ar y tim ac dwy o Seland Newydd ar gael pan mae'r tim yn fyr. Wedi wythnosau o ymarfer yn parc yn Ballsbridge mae'r cystadlauaeth wedi dechrau ag hyd yn hyn mae'r tim wedi enill pob gem!!

Dwi wedi chwarae tair gem ag ar y cyfan dwi wedi helpu'r tim i sgorio ceisiadau ag dwi wrth fy modd ar y cae rygbi unwaith eto.

Ar Dy Feic

Dwi wedi bod yn reidio beic o Ranelagh, lle dwi'n byw, i Ballsbridge. Beic mae pawb yn y tŷ yn rhannu yw hon ond dwi wrth fy modd hefo fo. Mae o'n hen ag ddim yn beic uffernol o dlws, ond mae'n llawn cymeriad. Os fyddech chi ar strydoedd Dulyn edrychwch allan am fi yn canu yn braf yn y glaw ar fy meic.

Sâl fel mochyn

Dwi ddim yn yr hiwmor gorae oherwydd dwi'n sâl unwaith eto - y pedwerydd tro y flwyddyn hon. Dwi yn gwaith ond yn cwbwlhau bron i ddim ag yn cael llwyad o mêl 'Manuka' pryd dwi'n dechrau tagu - mêl sydd i fod i helpu'r proses o wella. Nawr dwi'n deimlo’n bryderus bod y ffliw moch wedi cael fi. Dwi'n darllen y simtomau ar gwahanol wefannau, wel os dyna beth sydd gen i mae'n rhy hwyr nawr, dyw'r llywodraeth yma yn Iwerddon ddim i weld yn neud dim amdano, heblaw am anwybyddu'r broblem fel pob un arall.

Ta waeth, roeddwn i'n Llundain dros y penwythnos yn gweld hen ffrindiau - does dim byd gwell i godi'r calon na treulio amser gyda pobol sydd yn meddwl y byd ohonoch...bechod.

Blwyddyn a hanner yn Iwerddon

Dwi wedi bod yn byw yn Dulyn am flwyddyn a hanner:

Yn yr amser yna dwi wedi…
Wedi cwbwlhau cwrs MA mewn Newyddiadwraeth ag wedi graddio
Byw mewn 2 Tŷ
Gwneud ffrindiau newydd
Colli ffrindiau
Dysgu bach o Wyddeleg
Sgwennu erthyglau i'r Sunday Times
Cael swydd gyda cylchgrawn
Gweld mwy o fy teuly Gwyddelig
Sgwennu stori Cymraeg
Gwario gormod o pres
Yfed lot o Bulmers

Dwi wedi mwynhau fy amser hyd yn hyn ag er bod popeth ddim yn berfaith ar hyn o bryd dwi digon hapus. Ynglyn a colli ffrindiau - oherwydd sefyllfa'r economi yma mae lot o ffrindiau wedi gadael yr wlad - mae dwy wedi mynd ynol i'r Eidal, un o fy ffrindiau gorae wedi mynd nol i'r Unol Dalaethau ag mae un ar fin mynd nol i Gymru. Dwi ddim yn licio gweld nhw'n mynd ond allai dallt efo'r costau byw yma - mae'n hyrt!
Mae Dulyn yn dinas braf ond aruthrol o drud. Taswn i heb waith ni allaf aros yma am fwy na bythefnos, mae'n anodd neud dim heb wario domen o bres. Mae hi'n eitha anodd cyfarfod pobol newydd yma oherwydd mae pobol yn tueddu i nabod ei gilydd ers blynyddoedd - mewn fordd yn union fel Cymru. Ond dwi'n cyfarfod pobol pob dydd - pwy a wyr, ella mae fy ffrind gorau newydd yn byw ar fy stryd!

Distawrydd yr haf

Weles i fod y gwobrau RAP ymlaen y flwyddyn hon. Wel, mae na angen rhywbeth i lenwi'r bwlch mae'r diffyg ŵyliau wedi gadael. Clywais gan ffrind fod Gŵyl Car Gwyllt di cael ei canslo y flwyddyn hon - er nid ydw wedi gweld cadarnhad o hyn.
Dwi wedi clywed digon o cwyno o Gymru fod yr sîn roc Gymraeg yn eitha diflas ar hyn o bryd ag o be dwi wedi clywed ar C2 mae rhaid i mi cytuno. Ond mae gennai obaith fod na fandiau diddorol newydd i ddod yn y dyfodol agos.
Dwi heb di cael amser i clywed albwm newydd yr Super Furries, ond dwi wedi clywed bod nhw'n chwarae gŵyl yn Bundoran, Sir Donegal. Mae ffrind yn trio perswadio mi i fynd ag er fy mod i'n trio safio bach o pres am gwyliau i Los Angeles dwi'n meddwl fod hi'n debyg iawn fyddai'n mynd.


Ar nodyn arall mae hi'n Ebrill y 1af. Ges i e-bost efo'r linc yma bore 'ma. Gwych!

Cymru yn Iwerddon ar ôl Grand Slam

Ella bod pawb yn Gymru yn dal i dod dioddef o'r penwythnos, fe es i lawr i Gaerdydd i wylio'r gem a bois bach, dwi heb di cael gymait o hwyl ers amser maith!
Dwi nawr nol yn Iwerddon ag er fod hi bron yn wythnos ers yr gem fawr mae pawb dal i son am y pencampwriaeth ag mae'r papurau dal i son am eu llwyddiant.Chwarae teg, mae 61 flynedd yn amser hir i aros am eich tim i gael Grand Slam tra bod eich cymdogion yn Gymru wedi cael dwy ers dechrau'r mileniwm. Hefyd rwy'n meddwl fod hi wedi cymeryd wythnos i wynebu realiti'r sefyllfa - doedd o ddim yn breuddwyd...do wnaethom ni enill!

O'r Metro :

Are you a Welsh resident in Ireland? Are you sick and tired of hearing us all going on about our Grand Slam success? If so call 1800 1715 1715 1715 to talk to someone now!

Dim Sesiwn Fawr i Dolgellau

Fydd hi ddim yn dod yn sioc mawr i llawer o bobol, ond mae trefnwyr Sesiwn Fawr wedi cadarnhau fydd yr ŵyl ddim yn cael ei cynnal y flwyddyn yma.

Dywedodd Ywain Myfyr i'r BBC:

"Y sefyllfa ydi fod ganddom ni ddyled - mae ganddom ni gredydwyr - a'r teimlad felly ydi y gallai cynnal gŵyl yn 2009 gael ei weld fel masnachu anghyfreithlon. Does gan y pwyllgor na'r cyfarwyddwyr ddim bwriad i roi'r gorau iddi. Ry'n ni'n gobeithio y byddwn ni'n ôl yn 2010 hefo Sesiwn Fawr, ond yn sicr mi fydd hi'n wahanol."

Mae'n drist iawn fod y Sesiwn ddim yn cael ei chynnal yn Nolgellau eleni. Roeddwn i'n aelod o'r pwyllgor o 2006 i 2007 ag wnes i fwynhau'r profiad ag wnes i neud ffrindiau da gyda'r pobol eraill oedd yn rhan o drefu'r ŵyl . Fe fydd cyfarfod cyhoeddus yn cael ei gynnal yr wythnos nesa i lansio cronfa apêl i'r Sesiwn felly dangoswch eich cefnogaeth i'r Sesiwn Fawr - cyfarfod cyhoeddus yn Nhŷ Siamas, Dolgellau am 7.30pm nos Fawrth, Mawrth 10 - lansio cronfa apêl i godi arian i'r Sesiwn Fawr.

Cipolwg ar Golwg

Os fyddech yn eich siop bapur lleol heddiw cymerwch 'olwg yn y cylchgrawn Golwg i weld erthygl am fy ngwaith.

"Rhoi sgandal i ferched Iwerddon – y Gymraes sy’n olgydd cylchgrawn Women’s Way yn Nulyn"


Wnaeth yr newyddiadurwraig talentog Non Tudur wneud y cyfweliad, er nid hon yw'r profil cynta dwi wedi cael yn y Cylchgrawn.
Roedd'na darn yn y cylchgrawn amdamaf ynol yn 2003. Ers hynny mae fy mywyd wedi newid tipin - dwi wedi mynd o weithio yn y sin cerddoriaeth, i gweithio mewn radio, i cylchgrawn Cymraeg, i'r Sunday Times ag nawr i Woman's Way.

Dwi heb 'di weld o eti, felly gadewch i mi wybod os 'di o'n edrych yn dda.

Penwythnos yn Gymru

Dwi adra yn y Gogledd am benwythnos.
Dwi'm yn bwriadu neud llawer:

- treulio amser efo'r teuly
- mynd i weld ffrindau
- gwneud bach o cerdded
- cael digon o cwsg

Roedd hi'n niwlog dros ben ddoe felly doedd ddim golwg o'r Wyddfa o'r Cob rhwng Minffordd a Porthmadog. Dwi'n gobeithio wellith y tywydd heddiw.

Gwrando i Gymru drwy'r cyfrifiadur.

O'r diwedd dwi'n nol ar y we pan dwi adra felly gennai fwy o amser i flogio.
Dwi wedi bod yn gwrando i Radio Cymru, wel C2 i fod yn fwy penodol. Wnes i fwynhau gwrando i rhaglen Huw Stephens neithiwr 17/2 ag i'w gwestai Katell Keineg. Dwi'n edrych ymlaen i clywed mwy ganddi.

Llond tŷ o helynt

'Dwi wedi bod yn gweithio i cylchgrawn ferched am 4 mis nawr ag dwi'n dechrau bod yn arbenigwr ar sgwennu am addurniadau y ty. Sut dwi wedi mynd o sgwennu am cerddoriaeth i erthyglau am newid golwg y ty am ychydig o bres, dwn i ddim.

Ta waeth...ar ein llawr ni yn y swyddfa mae na 6 cylchgrawn - yr rhan fwyaf i ferched. Mae'r staff yn 98% yn ferched, ag fel y dychmygwch nid yw cael lot o ferched mewn un ystafell ddim yn syniad da. Dwi wedi darganfod dros y flynyddoedd na merched yw gelynion ei hunain - ma nhw'n dweud pethau tu ol i cefn ei gilydd ag os yw un yn neud yn dda mae nhw'n cael ei rhoi lawr gan pob dynes arall yn lle llongyfarch nhw. Hefyd, os yw merch mewn unrhyw ffordd yn wahanol i'r merched eraill mae nhw'n cael ei pigo allan fel yr un mae pawb yn casau. Dwi o'r farn na merched sa'n rhedeg y byd tasa nhw ond yn cydweithio, ond dwi'n nabod digon o dynion sa'n anghytuno (yr Gwyddal dwi'n byw efo am un engraifft).

Dyddiadur Dwynwen ar iPlayer

Dyddiadur Dwynwen
Cyfres yn dathlu Diwrnod Cariadon Cymru wrth geisio cael hyd i gariadon i ddeuddeg o bobl sengl drwy Gymru:

http://www.bbc.co.uk/iplayer/episode/b00hbf8c/Dyddiadur_Dwynwen_04_02_2009/

Melysion i'r glust.

Flwyddyn ynol wnaeth ffrind perswadio mi gymeryd rhan mewn rhaglen i Radio Cymru am chwylio am cariad yn Dulyn. Wel, heno yw'r noson fawr. Fe fydd yr rhaglen ar Radio Cymru heno:

18:03 Dyddiadur Dwynwen
Cyfres yn dathlu Diwrnod Cariadon Cymru wrth geisio cael hyd i gariadon i ddeuddeg o bobl sengl drwy Gymru.

Aaaaaaargh!!

2009

Blwyddyn Newydd dda - Bliain úr faoi shéan is faoi mhaise duit