Cyllideb caled

Dim ond oriau sydd i fynd tan fydd yr llywodraeth yma yn Iwerddon yn cyhoeddi yr cyllideb. Mae hyn yn cyllideb sydd angen arbed arian i dalu am y llanast economaidd sydd yn Iwerddon - ac mae hyn yn swm sylweddol. Un peth sy'n sicr, bydd hyn yr fydd o arbed arian yn cosbi y tlawd ag yn effeithio dyfodol Iwerddon.

Eira mawr

Mae eira trwm wedi disgyn dros y dyddiau diwethaf ac mae Dulyn mewn anhrefn o ganlyniad. Roeddwn i gartref heddiw ac dyma'r llun tynnais o'r eira tu allan i'r tŷ. Ar hyn o bryd dwi'n caru'r eira, ond mae'r eira i fod i bara am wythnos arall felly gawn ni weld os fydda'i mor hoff ohono wedi 7 diwrnod o annibendod.

Rhesymau dros protestio

Roeddwn i’n siarad ar y radio dros y penwythnos oherwydd fy mod yn un o'r protestwyr a gymerodd i’r strydoedd i brotestio dros llanast economaidd mae’r llywodraeth Gwyddelig a’r banciau wedi creu a'r mesuriadau sydd wedi cael ei dyfeisio i wella’r sefyllfa.

Symudais i Ddulyn yn 2007 i astudio. Roedd yr ddinas yn gwneud yn dda, ond wedi colli llawer o'r hunaniaeth yr wyf yn cofio o fy mhlentyndod. Ond yn y blynyddoedd ers i mi gyrraedd mae pethau wedi troi unwaith eto a gallwch weld y newidiadau ar ein strydoedd, o'r siopau ar gau i'r cynnydd yn y bobl ddigartref yn yr ddinas.

Pan orffenais fy nghwrs yn 2008 cefais swydd ar yr cyflog isaf ac doedd o ddim yn hawdd byw ar yr cyflog yna. Roeddwn i’n gally dalu fy rhent, ond roedd ychydig o arian yn weddill ar gyfer nosweithiau allan neu ar gyfer teithiau yn ôl i Gymru. Ges i swydd arall fel y gallwn i gael fwy o arian ychwanegol, ond roeddwn i’n gweithio 9yb tan 11yh ac yn cyrraedd adref am hanner nos. Dwi erioed wedi bod mor flinedig yn fy mywyd!

Felly, pan glywais fod yr llywodraeth am dorri’r isafswm cyflog roeddwn i yn siomedig iawn. Gallaf ddeall fod yna bobl sydd eisoes yn ei chael yn anodd, ond yn awr bydd yn rhaid iddynt dorri'n ôl ymhellach. Yr wyf yn ddig bod dulliau y llywodraeth Gwyddelig o arbed arian yn ymosod ar y bobl tlotaf yr wlad.

Dyna un o'r rhesymau pam yr oeddwn yn un o'r rhai a gymerodd rhan yn yr brotest ar y ddydd Sadwrn i wneud yn siwr bod y llywodraeth yn gwybod fod y bobl yn deud fod hyn ddim yn dderbyniol.

Iwerddon 22/11/2010

Mae'r llywodraeth wedi cyhoeddi dyddiad etholiad ar gyfer mis Ionawr 2011 wedi cyhoeddiad gan plaid clymblaid, y Blaid Werdd, gan ddweud y bydd yr blaid yn gadael yr llywodraeth ac yn gorfodi etholiad yn gynnar ym mis Ionawr.


Mae'n debyg bydd Fianna Fail a Brian Cown allan o'r Dáil,ond nid cyn gyllideb sydd, o arwyddion cynnar bydd, taro y tlawd galetaf.

Nawr y cwestiwn yw; pwy fydd Taoiseach nesaf Iwerddon?

_______________

Ymatebion pobl yn Iwerddon:

"we didnt even make it to a hundred years of sovereignty"
"Brian cowen is dead and gone as far as most people are concerned."
"Brian Cowen needs to realise that EVERYTHING is his fault!"
"Just checked my wallet there and my Euro notes are starting to slowly disappear Back To The Future-style"
"Christmas is coming, the goose is getting fat, please give Ireland £7bn so greedy bankers can get fat"

Diwrnod du yn hanes Iwerddon

Mae'r llywodraeth Gwyddelig wedi cadarnhau eu bod yn mynd i dderbyn cymorth gan y Gronfa Ariannol Ryngwladol. Ond mae'r llywodraeth yn annog - peidiwch â galw hyn yn 'Bailout'.

Mae pobl Iwerddon wedi gwylltio, ag mae hyn yn glir os ydych yn darllen Twitter. Gallwn ddisgwyl protestiadau yr wythnos hon, ond yr wyf yn ofni ei fod ychydig rhy hwyr.

Mae'n amser i Brian Cowan i ymddiswyddo ac yn cymryd cyfrifoldeb am y llanast yma.

Bydd y diwrnodau a'r wythnosau nesaf yn rhai o'r mwyaf terfysglyd yn hanes Iwerddon.

Gruff Rhys 15/11/10 - Y Sugar Club, Dulyn

Gruff Rhys & H Hawkline

Ddyledion Iwerddon

Dylai pawb wedi clywed am sefyllfa economaidd Iwerddon erbyn hyn (er roedd un ddynes yn gwaith ddim ‘di clywed).

Rydw i newydd dathlu y trydydd pen-blwydd ers i mi gyrraedd ar yr ynys werdd yma, ac yn yr amser yna mae’r sefyllfa economaidd wedi mynd o ddrwg i llanast rhyngwladol.
(I weld lle mae pob dim yn mynd o'i le gallwchbwrw golwg ar y BBC yn erthygl am y sefyllfa.)

Nid yw bywyd y tu mewn i'r swigen mor ddrwg. Mae cyflogau yn dal i fod yn uwch nag yn y Prydain, person di-waith yn ei gael, fodd bynnag, ni ellir sefyllfa yma parhau fel hyn.
Mae llywodraeth Iwerddon gwario yn ystod yr adegau da ac ddim yn buddsoddi ar gyfer diwrnod glawog fel yr rhai sydd yn bodoli heddiw. Maent hefyd yn gadael i fanciau gael i ffwrdd â llofruddiaeth ac wedyn i sicrhau y banciau – ag Iwerddon oedd yr wlad gyntaf yn y byd i wneud hynny.

Fy marn i yw bod y llywodraeth Gwyddelig wedi pydru i'r craidd, ac er bod y llywodraeth Cymru ag Llundain yn bell o fod yn berffaith, rwy'n amau y byddent yn mynd i ffwrdd gyda hanner y pethau mae Fianna Fáil wedi gwneud. Beth bynnag, nid yw pob bys yn rhoid yr bai ar Brian Cowan, roedd Bertie Ahern gyda ran fawr i'w chwarae yn dinistrio’r economi Gwyddelig a llwyddo i gadael yn ddi-bai am yr sefyllfa mae Iwerddon mewn heddiw.

Felly, ar hyn o bryd o'r tu mewn i'r wlad dydi pethau yn ymddangos i fod yn rhy ddrwg, ond mae pawb yn barod i bethau waethygu cyn iddynt wella.

Cerys yn dod i Dulyn

Dwi wedi clywed fod Cerys Matthews yn perfformio yn y Neuadd Gyngerdd Genedlaethol, Dulyn ar nos Sadwrn 13 Tachwedd.

Wnes i fynd i weld Cerys yn yr Galeri yn 2006 ag roedd o'n noson wych o gerddoriaeth.

Os hoffech gael fwy o wybodaeth ac i brynu tocynnau ewch i www.nch.ie

Cymru yn Iwerddon

Rwyf wedi bod yn byw yma yn Ddulyn ers 3 mlynedd. Yr diwrnod wnes i dal yr llong o Gaergybi doeddwn i ddim ‘di ystyred fydda’i dal yma yn 2010. Roeddwn i wedi meddwl dod i’r ddinas i astudio tra roeddwn i’n byw yn Llundain – dwi’n caru Llundain, ag roeddwn i wrth fy modd yn byw yno, ond roedd o’n bell o adra ag doedd gen i ddim teulu yno.

Mae Mam yn wreiddiol o Dulyn ond wedi byw yn Cymru ers 27 mlynedd ers iddi symyd i Meirionnydd pan gafodd Dad swydd yn yr ardal. Mae hi wedi dysgu Cymraeg ag yn defnyddio fo yn ei bywyd pob dydd.

Beth, bynnag…Mae rhan fwyaf o teulu Mam dal yma, felly gen i domen o cefnderoedd yn yr ddinas sydd yr un oed a fi. Dyna un o’r rhesymau mwyaf dros symyd yma, ag ynol yn 2007 roedd yr economi dal yn iach (stori gwahanol erbyn hyn).

Pan symudais yma roedd un o fy ffrindiau agos yn byw yma felly roeddwn i’n siarad Cymraeg yn dyddiol, ond roedd rhaid i’r ffrind symyd ag felly aeth fy nefnydd o’r iaith i lawr yn sylweddol.
Pan oeddwn yn byw yn Lloegr, darganfyddais fod yn well bod yn ngwmni y Cymru yn ystod y gêmau rygbi – naill ai i dathlu ein llwyddiant neu i yfed wedi colled. Pan symudais i Ddulyn darganfyddais yr Gymdeithas Draig Werdd yma ag drwy nhw wnes i gyfarfod o dwy o’m frindiau agos yma sy’n siarad Cymraeg. Mae’r Gymdeithas yn 90% yn dynion o’r De sydd wedi syrthio mewn cariad gyda merched o’r Werddon (bechod), ond dydi’r rhan fwyaf ddim yn siarad Cymraeg. Ond mae yna gymuned fach braf o Gymru yma, ag mae yna rhai o’r hennoed sydd wedi treulio rhan fwyaf o’i bywydau ar ochor yma o’r Mor iwerddon ond dal i siarad Cymraeg ag yn cany yn yr Côr Meibion.

Yr rhai sydd yn pleser fawr i gyfarfod yw’r Gwyddelod sydd wedi dysgu Cymraeg. Mae ei acen yn wych, ag dim ond pan mae gair saesneg yn disgyn i fewn i’r sgwrs oes modd clywed ei acen Gwyddelig. Mae’n acen hyfryd, ag mae gan siaradwyr Gwyddeleg parch mawr i’r Cymru ag y ffordd rydym yn cofleidio ein iaith. Mae’r agwedd o di-siaradwyr Gwyddeleg tuag at ei iaith ei hunain o fy mrofiad i yn llawn amarch, ag mae llythyrau wedi bod yn llenwi’r papurau yn diweddar o blaid torri gwersi Gwyddelig o’ r cwricwlwm. Rwyf hyd yn oed wedi cael Gwyddelod yn dweud wrthaf fod yr iaith Gymraeg wedi marw, ag yn waeth byth fod ni’n ‘West Brits’…wel, gallwch chi dychmygu fy amateb i.

Ond, serch hynny mae yr rhan fwyaf o bobol yn llawn diddordeb am Cymru a’r iaith ag mae aelodau o’r swyddfa yn dysgu geiriau pob wythnos (cacen a paned yw’r ffefryn hyd yn hyn).
Felly, mae modd siarad Cymraeg yn bywyd bob dydd yma yn Iwerddon, ag mae’r rhyngrwyd yn galluogi mi i gyfarthrebu yn yr Gymraeg i fy ffrindiau yn bob rhan o’r byd.

Barri Griffiths: Y Reslar

Dwi eisiau rhoi 'plug' bach i'r rhaglen yma. Mae Barri yn brawd 'fach' i un o fy ffrindiau gorae ag dwi wedi gweld ei daith o dechrau yn yr byd reslo i lle mae o heddiw.

Dwi'n gwybod fod ei deulu a'i adal yn hynod falch o'i llwyddiant:

Portread o reslar proffesiynol ar S4C

Fe gawn ni olwg o’r newydd ar y reslar proffesiynol o Gymru, Barri Griffiths, mewn rhaglen ddogfen ddifyr ar S4C nos Fercher, 1 Medi.

Bu camerâu cwmni Antena yn dilyn y cawr chwe troedfedd chwe modfedd a 21 stôn o Dremadog, Gwynedd wrth iddo baratoi i fynd i America i ennill ei fara menyn fel reslar gyda’r WWE, y cwmni reslo mwyaf yn y byd.

Yn y rhaglen Barri Griffiths: Y Reslar, cawn weld sut y cafodd Barri y cyfle anhygoel yma a byddwn yn dilyn ei fywyd yn ystod y misoedd allweddol hynny cyn iddo symud i Tampa Bay, Florida.

Mae Barri bellach yn Florida ers rhai misoedd ac eisoes wedi ennill un o’r teitlau pwysicaf yno, sef y FCW Florida Heavyweight Champion.

Barri Griffiths: Y Reslar, Nos Fercher,1 Medi, 21/30, S4C.
Ail ddarllediad; 16/00, Dydd Sul, Medi 5

Pethau Bychain

Mewn llai na wythnos fe fydd hi’n ddiwrnod Pethau Bychain.

Ar y 3ydd o Fedi mae'n amser ddathlu’r iaith Gymraeg arlein ac annog mwy o bobol i gymryd rhan yn y diwylliant Cymraeg digidol.

Gallwch fod yn rhan o'r ddiwrnod ag dangos eich cyfraniad drwy gwneud addewid yma:
Pethau Bychain

Penblwydd hapus i mi...

Mae Melysion yn 4 heddiw.

PENBLWYDD HAPUS

Oes 'na bobol?

Mae'r blog yma ar fin dathlu 5 mlynedd mewn bodolaeth.

Ar y dechrau roedd fy mlog yn lle i postio adolygiadau gigs Cymraeg ag i ysgrifennu am yr byd o'm cwmpas. Yn yr 5 mlynedd ers i mi dechrau flogio yn yr Gymraeg mae rhai o fy hoff flogiau wedi cau lawr ond dwi wedi ceisio cadw hwn i fynd.

Yn diweddar rwyf wedi dechrau blog Saesneg i fynd efo fy nhyfrif ar Twitter ag yn yr mis diwethaf mae mwy o pobol wedi gadael sylwadau yno nag ydw i wedi cael mewn 5 mlynedd o flogio yma.

Dwi'n darllen rhai flogiau drwy Blogiadur.com ag wedi rhoi sylwadau ar rhai ohonyn nhw ond dydw heb clywed llawer am beth mae pobol yn meddwl o fy mlogiau. Ella dwi ddim yn aelod o'r byd o blogwyr, ella mae pobol yn meddwl fod fy mlog yn ddiflas, ella mae'r cymmuned o blogwyr Cymraeg yn ddiog...pwy a wyr. Heb sylwadau does gen i ddim syniad pwy sy'n darllen Melysion, ond ers i mi ychwanegu 'Google Analytics' alla'i weld fod pobol yn dod i'r flog.

Dydw i ddim yn chwylio am llwyth o darllenwyr er mwyn i mi deimlo'n boblogaidd, ond dydw i ddim eisiau meddwl bod neb yn darllen beth rwy'n sgwennu.

Beth yw profiadau blogwyr Cymraeg eraill?

Sesiwn Fach 2010

Dathlu yn Dulyn...

Mae'r tymor 'tag rygbi' ar ben.

Wedi digon o llwyddiant, croesawu aelodau newydd, dathlu ein lwyddianau ag trafod ein methiannau daeth yr tîm Cymru Ddulyn yn drydydd. Hwre!

Dyma'r cwpan enillodd yr tîm wedi ni enill ein gêm olaf.

Chwarae o gwmpas

Mae'r tymor 'tag rygbi' wedi dechrau unwaith eto. Pedair gêm i fewn i'r tymor ag mae'r Cymru Ddulyn wedi enill un, cael dwy gêm gyfartal ag wedi colli un.
Gallwch dilyn ein tîm ar y wefan IRFU Tag Rugby

Cwmwl aur

Rwy'n teithio i Gymru yn ddigon amal ag gan fod fy ngartref yn yr gogledd, y cwch yw'r ffordd fwya' addas i mi defnyddio.

Mae'r cwmwl o lwch a lludw wedi cynhyddu yr nifer o bobol sydd yn teithio o Iwerddon i Gymru wedi cynhyddu'n sylweddol ag ar fy siwrne diweddar roedd yr cwch yn llawn.

Roedd o'n amser eithaf drwg i ddod a'r 'vomit comet' sef yr Stena Lynx ynol i Caergybi. Dim ond 500 o bobol mae'r Lynx yn dal, felly gyda'r nifer o teithwyr yn cynhyddu roedd yn amser i'r HSS Stena Explorer dychwelyd.

Mae'r HSS yn ffordd gwych o teithio dros yr môr, gyda digon o le ag yn weddol cyffyrddus tra roedd yr Lynx yn fach ag yn fwy fel bws nag cwch. Ond, fel y dywediad "Mae gan pob cwmwl leinin arian" mae gan yr cwmwl o lwch un aur!

Yr capel Cymraeg

Does ddim llawer o pobol yn gwybod am yr Capel Cymraeg sy'n Talbot Street yn ganol Dulyn - yr unig gapel Gymraeg a fu yn Iwerddon. Erbyn hyn mae'r capel yn siop, er mae'n bosib gweld gweddillion yr hen capel (fel a welwch uchod).

Adeiladwyd capel yn Talbot Street yn 1838 i gwasanaethu yr forwyr Cymreig ag daeth y capel o dan awdurdod Henaduriaeth Môn. Am gyfnod bu'r adeilad yn siop esgidiau, wedyn yn neuadd snwcer, ond erbyn hyn mae’r adeilad mewn adfeiliad ag mae’r Chymdeithas Cymraeg yn Iwerddon, Y Draig Werdd, yn gobeithio cael yr adeilad ar yr rhestr o adeiladau rhestredig.

I darllen mwy ewch i FACEBOOK

Noson Croeso Cymru

Bydd Côr Meibion Cymry Dulyn yn cynnal eu "Noson Croeso Cymru" ar nos Wener, 12 Mawrth, y noson cyn y gêm rygbi rhwng Iwerddon a Chymru. Bydd hon yn cymryd lle yng ngwesty'r Grand Canal, Grand Canal Street, Dulyn 4. Cynnigir adloniant yn y Gasworks Bar o 9yh ymlaen. Mae'r pris mynediad yn 8 Ewro, sydd yn cynnwys un ddiod am ddim.
Croeso cynnes i bawb!

Os ydych chi wedi gwella ar ôl holl weithgareddau'r noson gynt, gallwch glywed Jonathan Davies cyn y gêm yn rhoi sesiwn Holi ac Ateb am ddim yng Ngwesty'r Arlington, wrth Bont O'Connell am 11yb ar fore'r Sadwrn, 13 Mawrth.

http://www.draigwerdd.org/Cymraeg.htm

Siglo'r rhyngrwyd

Dwi wedi bod yn defnyddio Twitter ers diwedd 2009, ag dwi wrth fy modd.
Dwi'n meddwl am beth dwi am bostio ar wahanol adegau yn ystod y dydd: wrth aros am fws, mynd i'r arfarchnad - hyd yn oed yn gwaith. Yr foment yma, wrth sgwennu'r geririau yma, dwi'n meddwl am pethau i ddweud. (Bach yn sad ella)

Diolch byth fy mod i wedi blino arno ychydig, ag yn defnyddio Twitter mwy fel lle i gweld be sy'n digwydd yn y byd ag yn enwedig beth sydd yn digwydd yn Iwerddon.

Un o'r pethau fwya' ym myd Twitter Iwerddon yw Crystal Swing.
Mae'n debyg fydd rhan fwyaf o bobol heb 'di clywed o'r band yma, ond mae nhw'n dechrau cael sylw tu allan i'r Ynys Werdd - mae hyd yn oed Ellen DeGeneres wedi postio linc iddyn nhw! Gallwch fwynhau Crystal Swing ar You Tube neu darllen amdanynt yma: www.crystalswing.com

Strancio!

Mae gwleidyddiaeth yn Iwerddon wedi bod yn llawn blerwch ag sgandal yn yr wythnosau diwethaf. Yn gyntaf wnaeth George Lee ymadael y plaid Fine Gael. Roedd Lee wedi gadael ei swydd fel golygydd economaidd yn RTÉ i rhedeg fel TD (Teachta Dála) ag enillodd ei sedd yn hawdd. Roedd Lee yn teimlo fod o ddim yn cael dylanwad ar polisiau economaidd y plaid ag gadewodd llawn ysblander. Roedd yr wasg wedi cynhyrfu gyda'r newyddion, felly pan dechreuodd fwy o pobol gadael roedd nhw wrth eu bodd. Ers hynny, mae'r Plaid Werdd wedi colli Déirdre de Búrca, Willie O'Dea [am awgrymu fod cysylltiadau rhwng cynghorydd Sinn Féin ag puteindy] ag wedyn Trevor Sargent [dros llythyr sgwenodd i gardaí ynglyn a ymchwyliad troseddol]. Mae pawb nawr yn gofyn pwy fydd nesa?

Dydd Gŵyl Dewi Hapus!!

Wnes i gwenud cyfweliad bore' ma gyda BBC Radio Cymru am sut dwi'n dathlu draw yn Iwerddon ag am dathliadau Sant Pádraig.

Yma yn Nulyn, cafwyd noson llawn hwyl ar Nos Wener pan daeth y cymdeithas Cymraeg (www.draigwerdd.org) at ein gilydd mewn tafarn wrth ochor y camlas i dathlu Dydd Gŵyl Dewi. Roedd adloniant ar y noson yn Côr Meibion Cymry Dulyn, ag wedyn eisteddodd pawb i wylio gêm Ffrainc v Cymru (wnawn ni ddim sôn am hynny). Roedd criw o tua 10 o'r rhai ifanc (gan gynnwys minnau) wedi gorffen y noson mewn clwb gerllaw ag wnes i wir fwynhau'r noson.

I weld lluniau rhai o'r Cymru yn Iweddon ewch i weld lluniau Aled Thomas:
www.flickr.com

Barry Tobin & Croagh Patrick

Mae cwmni teledu yn bwriadu gwneud rhaglen ar gyfer S4C sy'n dilyn aelod y Ddraig Werdd, Barry Tobin, ar bererindod yn dringo Croagh Patrick yn Mayo. Mae nhw'n chwilio am Gymro (neu am Gymraes) Cymraeg sy'n byw yn Iwerddon i gymryd rhan yn y rhaglen i ddringo'r mynydd gyda Barry.

Os oes diddordeb gennych, neu os ydych chi'n nabod rhywun sydd â diddordeb yn y cynllun, anfonwch eich manylion i info@draigwerdd.org

Gwlad o iâ

Golygfa yn Dundrum

Hwyl fawr 2009...Croeso i 2010

Roeddwn i wedi dechrau sgwennu'r nodyn yma dros yr Nadolig, ond gan fod na gymaint o hwyl a sbri i'w gael wnes i anghofio y blog.

"Mae 2009 bron ar ben ag fydd degawd newydd yn dechrau."
Wel, mae 2010 wedi dechrau ag mae hi'n un oer hyd yn hyn.

"Mae'r 'naughties' wedi bod yn 10 mlynedd diddorol yn fy mywyd ag yn hanes y byd."
Gwir iawn, gwir iawn. Ond amser edrych ymlaen. Dwi heb 'di neud addunedau Blwyddyn Newydd ar gyfer 2010, ond dwi wedi sgwennu rhestr o bethau dwi eisiau cyflawni yr flwyddn yma. Er engraifft, cael stamp arall yn y pasport ag fynd i cerdded fwy. Dwi eisiau flogio'n amlach, ond mae'n haws deud na' neud!

"Pwy fuasai'n meddwl pan daeth hanner nos yn 1999 fod pethau fel y maent. Mae gan yr Unol Dalethau arlywydd du, yn 2002 daeth yr Cynulliad Cenedlaethol Cymru i bodolaeth..."
ag dyna lle orffenais. Mae'r degawd diwethaf wedi bod yn un diddorol, er roedd 2009 yn flwyddyn 'anodd iawn i lawer o bobol. Roeddwn i yn Gymru dros yr Nadolig ag yr Flwyddyn Newydd ag roedd llawer yn dweud bod nhw wedi colli swydd yn 2009. Mae rhai wedi symyd yn ôl i'r Gogledd fel canlyniad ag er bod rhai wedi cael swyddi newydd mae llawer dal yn chwylio am waith. Mae rhai wedi mynd am newid gyrfa neu mynd nôl i'r coleg i astudio. Dwi'n gobeithio fydd 2010 yn blwyddyn lot fwy ffeind.

Beth bynnag, dyma llun o gig yn Tŷ Newydd, Sarn. Noson i'w gofio!